نوحه‌ی اکبریّه

باخدی چون اکبری‌نین نیزده لیلا اوزونه،

گوردی زلفی توکولوب چون شب یلدا اوزونه،

گلدی شوره دئدی: ای شمع شبستانیم اوغول،

یئتمه‌دین کام مراده مه تابانیم اوغول،

حشره تک دیلده قالیب چخمادی بو جانیم اوغول،

گلمه‌ییدی آنان، ای کاش، بو دونیا اوزونه

ای صبا! بیرجه اس، اول زلف پریشانی داغیت،

خانمان دل ویرانه‌ی لیلانی داغیت،

دلی ویرانه‌ی لیلا کیمی دونیانی داغیت،

قویما دوشسون داخی اول زلف سمن‌سا اوزونه

چون کنار ائتدی صبا زلف شکن پر شکنی،

گورونوب هاشمی خال ایله خط والحسنی،

محو اولوب جمله‌سی توکدویئده دف، دائره‌نی،

بیر باخیب اکبره، بیر باخدیلا لیلا اوزونه

قاشلارین طاغی اوغول سوره‌ی یاسین اوخویور،

باخسا هر کیم اوزونه آیه‌ی تحسین اوخویور،

اهل قرآندی بولار جمله‌سی «طا- سین» اوخویور،

نئجه چکدیله قیلینج مظهر «طاها» اوزونه؟

دئدیلر کیمدی بو عورت بیزی نالان ائله‌ین،

یوخسا لیلادی بو مجنون کیمی افغان ائله‌ین،

سنی، ای تازه جوان قانینا غلطان ائله‌ین،

نئجه محشرده باخار حضرت زهرا اوزونه؟

ائتدیلر چاه زنخدانینا حسرتله نظر،

زر خرید اولماق اوچون بیر- بیرینه وئردی خبر،

توکدولر شمعِ زلیخالاری چون اشک بصر،

باخدیلار حسرت‌ایله یوسف بطحاء اوزونه

عارضین صفحه‌ی انجیل خداوند ودود،

نیزه باشیندا باشین هم اوخویور سوره‌ی هود

دئیه‌سن نیزه آیاغیندا دوروب قوم یهود،

دارین اوستونده باخیرلار هامی عیسی اوزونه

مظهر حسننه عنبر رخ آلیندی سنین،

آیه‌ی «شمس ضحا» مهر جمالیندی سنین،

سوره‌ی «نون- قلم» هاشمی خالیندی سنین،

کاکلین پرده چکیب لیلة الاسرا اوزونه

باشداکی شور شهادتدی سنین تاجین اوغول،

عارضین کعبه، حرملر هامی حجاجین اوغول،

رفرفین نیزه مبارکدی بو معراجین اوغول،

قاشلارین قبله‌دی «قوسین او ادنی» اوزونه

گه اوزون آئینه‌ی مصحف و تورات و زبور،

آتش طور تجلّادی جمالیندا ظهور،

مصر دیر شام بو قبطی‌لره، یا وادی طور،

آل فرعون گلیب باخماغا موسی اوزونه

«صابرا» هر ایل عزا ساخلا علی اکبره سن،

کربلاده گلیب آغلا، او شهِ داوره سن،

گل قیامتده بو جمع ایله صف محشره سن،

قالما حسرت ایکی دونیاده بو مولا اوزونه

میرزه علی اکبر صابیر

قیام عاشورا

بارد چه؟ خون! که؟ دیده، چه سان؟ روز و شب! چرا؟

از غم، کدام غم؟ غم سلطان کربلا!

نامش چه بود؟ حسین، ز نژاد که؟ از علی!

مامش که بود؟ فاطمه! جدٌش که؟ مصطفی

چون شد؟ شهید شد! به کجا؟ دشت ماریه

کی؟ عاشرِ محرم! پنهان؟ نه، بر ملا

شب کشته شد؟ نه روز، چه هنگام؟ وقت ظهر

شد از گلو بریده سرش؟ نی نی، از قفا!

سیراب کشته شد؟ نه! کس آبش نداد؟ داد!

که؟ شمر، از چه چشمه! ز سرچشمه‌ی فنا...

مظلوم شد شهید؟ بلی، جرم داشت؟ نه

کارش چه بُد؟ هدایت، یارش که بُد؟ خدا

این ظلم را که کرد؟ یزید، این یزید کیست؟

ز اولاد هند؟ از چه کس؟ از نطفه‌ی زنا

خود کرد این عمل؟ نه فرستاد نامه‌ای

نزد که؟ نزد زاده‌ی مرجانه‌ی دغا

ابن زیاد زاده‌ی مرجانه بُد؟ نعم

از گفته‌ی یزید تخلٌف نکرد؟ لا

این نابکار کشت حسین را به دست خویش؟

نه او روانه کرد سپه سوی کربلا

میر سپه که بُد؟ عُمرِ سعد، او برید

حلق عزیز فاطمه؟ نه شمر بی‌حیا

خنجر برید حنجر او را نکرد شرم؟

کرد، از چه پس برید؟ نپذیرفت ازو قضا

بهر چه؟ بهر آن‌که شود خلق را شفیع

شرط شفاعتش چه بُود؟ نوحه و بکا

کس کشته شد هم از پسرانش؟ بلی، دو تن

دیگر که؟ نُه برادر! دیگر که؟ اقربا

دیگر پسر نداشت؟ چرا داشت، آن که بود؟

سجٌاد! چون بُد او؟ به غم و رنج، مبتلا

ماند او به کربلای پدر؟ نی، به شام رفت

با عز و احتشام؟ نه، با ذلٌت و عنا!

تنها؟ نه با زنان حرم، نامشان چه بود؟

زینب، سکینه، فاطمه، کلثوم بی‌نوا

بر تن لباس داشت؟ بلی، گَردِ روزگار

بر سر عمامه داشت؟ بلی، چوب اشقیا

بیمار بُد؟ بلی! چه دوا داشت؟ اشک چشم،

بعد از دوا غذاش چه بد؟ خون دل غذا

کس بود همرمش؟ بلی اطفال بی پدر

دیگر که بود؟ تب که نمی‌گشت از او جدا

از زینت زنان چه به‌جا مانده بد؟ دو چیز

طوق ستم به گردن و خلخال غم به پا!

گبر این ستم کند؟ نه! یهود و مجوس؟ نه

هندو؟ نه! بت‌پرست؟ نه! فریاد از این جفا

«قاآنی» است قائل این شعرها؟ بلی

خواهد چه؟ رحمت، از که؟ ز حق، کی؟ صفِ جزا

شعری از قاآنی

قصیده‌ای از هاتف اصفهانی در وصف مولای متقیان

زهی مقصود اصلی از وجود آدم و حوا

غرض ذات همایون تو از دنیا و مافیها

طفیلت در وجود ارض و سماء عالی و سافل

کتاب آفرینش را به نام نامیت طغرا

رخ از خواب عدم ناشسته بود آدم که فرق تو

مکلل شد به تاج لافتی و افسر لولا

شد از دستت قوی دین خدا آیین پیغمبر

شکست از بازویت مقدار لات و عزت عزا

نگشتی گر طراز گلشن دین سر و بالایت

ندیدی تا ابد بالای لا پیرایه الا

در آن روز سلامت سوز کز خون یلان گردد

چو روی لیلی و دامان مجنون لاله گون صحرا

کمان بر گوشه بر بندد گره چون ابروی لیلی

علم بگشاید از پرچم گره چون طره‌ی لیلا

ز آشوب زمین و ز گیر و دار پر دلان افتد

بدانسان آسمان را لرزه بر تن رعشه بر اعضا

که پیچد بره را بر پای، حبل کفه‌ی میزان

درافتد گاو را بر شاخ، بند ترکش جوزا

یکی با فتح همبازی یکی با مرگ هم بالین

یکی را اژدها بر کف یکی در کام اژدرها

کنی چون عزم رزم خصم جبریل امین در دم

کشد پیش رهت رخشی زمین پوی و فلک پیما

سرافیلت روان از راست میکالت دوان از چپ

ملایک لافتی خوانان برندت تا صف هیجا

به دستی تیغ چون آب و به دستی رمح چون آتش

برانگیزی تکاور دلدل هامون نورد از جا

عیان در آتش تیغ تو ثعبان‌های برق افشان

نهان در آب شمشیر تو دریاهای طوفان‌زا

اگر حلم خداوندی نیاویزد به بازویت

چو یازی دست سوی تیغ و تازی بر صف اعدا

ز برق ذوالفقارت خرمن هستی چنان سوزد

که جانداری نگردد تا قیامت در جهان پیدا

ز خاک آستان و گرد نعلینت کند رضوان

عبیر سنبل غلمان و کحل نرگس حورا

ز افعال و صفات و ذاتت آگه نیستم لیکن

تویی دانم امام خلق بعد از مصطفی حقا

به هر کس غیر تو نام امام الحق بدان ماند

که بر گوساله‌ی زرین خطاب ربی‌الاعلی

من و اندیشه‌ی مدح تو، باد از این هوس شرمم

چسان پرد مگس جائی که ریزد بال و پر عنقا

به ادنی پایه‌ی مدح و ثنایت کی رسد گرچه

به رتبت بگذرد نثر از ثریا شعر از شعرا

چه خیزد از من و از مدح من ای خالق گیتی

به مدح تو فراز عرش و کرسی از ازل گویا

کلام الله مدیح توست و جبریل امین رافع

پیمبر راوی و مداح ذاتت خالق یکتا

بود مقصود من ز این یک دو بیت اظهار این مطلب

که داند دوست با دشمن چه در دنیا چه در عقبی

تو و اولاد امجاد کرام توست هاتف را

امام و پیشوا و مقتدا و شافع و مولا

شها من بنده کامروزم به پایان رفته از عصیان

خدا داند که امیدم به مهر توست در فردا

پی بازار فردای قیامت جز ولای تو

متاعی نیست در دستم منم آن روز و این کالا

نپندارم که فردای قیامت تیره‌گون گردد

محبان تو را از دود آتش غره‌ی غرا

قسیم دوزخ و جنت تویی در عرصه‌ی محشر

غلامان تو را اندیشه‌ی دوزخ بود حاشا

الا پیوسته تا احباب را از شوق می‌گردد

ز دیدار رخ احباب روشن دیده‌ی بینا

محبان تو را روشن ز رویت دیده‌ی حق بین

حسودان تو را بی‌بهره زان رخ دیده‌ی اعمی

هاتف اصفهانی

حضرت ابوالفضل(ع)ین جوشی نوحه سی

دؤره‌مـی گل حسین دوشمن آلدێ

قوْلـلارێمــێ جفـــا ایلـــه سالـــدێ

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

شیریوی سالدێ دوشمن کمنده

حئیف اوْلا یوْخدۇ قوْللار بده‌نده

سسله‌دیم من سنی داده تئز گل

ساغ گؤزۆمده‌ن اخا اوْخ دگه‌نده

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

سوز-ی-دل بللیدی گؤزیاشێمدان

اؤللـه‌م ال چکمه‌ره‌م قارداشێمدان

گؤردۆ قوْلسۇز منی نوفل-ی-دون

وۇردۇ آهن عمودی باشێمدان

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

هارداسان ای نئگار-ی-دل‌آرا

محشر اوْلدۇ من-ی-زاره برپا

مرکب اۆسته‌ن دۆشه‌ن وقته قوْلسۇز

قوْللارێن آچدێ مئیداندا زهرا

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

پرچمی سن گل آل نوکروندان

عاشئق-ی-خسته-وْ-مضطروندان

نعشیمی خئیمه‌گاهه آپارما

چوْخ خجل اوْلمۇشام اصغروندان

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

ای ائده‌ن زنده دین-وْ-صلاتی

قوْیدۇم حئیره‌تده آب-ی-حیاتی

ایچمئیینجه حسین سن سرین سۇ

ایچمه‌ره‌م اؤلسه‌م آب-ی-فراتی

تــرک قێـل خئیمـه‌نـی گـل آمانـدێ

چـوْخ یـۇبـانمـا گـؤزۆم یوْلدا قـالـدێ

گل حسین گل حسین گل حسین جان(2)

قوْشار: فرهاد فکری

حضرت ابوالفضل(ع)ین جوشی نوحه‌سی

یاتمـا ای مرد-ی-مئیـدان ابوالفضـل

کشته‌ی-ی-راه-ی-قرآن ابوالفضـل

قالمێشام یاره‌لـی باشـۇن اۆستـه

اللـریـم بئلــده گیـریـان ابـوالفضـل

شبنم-ی-سُرخ اوْتۇرمۇش یۆزۆنده

یاس دۇتۇب یاسمن گۆلشن آغلێر

سۇ کیمی تئللروندان سۆزۆر قان

تئشنه قێزلار کیمی سوسن آغلێر

گؤر نه احواله قالمێش حسینون

حالیمه دوره‌ده دوشمن آغلێر

آی کیمی گۆل جمالون اوْلۇبدۇر

قان محاقینده پئنهان ابوالفضل

گل دیله بیر حسینی دانێشدێر

قلبیمین باشێنێ غۆصصه یاردێ

آغلادێم قانیوی ساغ گؤزۆنده‌ن

گؤزلریمده‌ن آخان سئل آپاردێ

گؤز آچێب باخمێسان هئچ حسینه

ساق گؤزۆنده مگر یاره واردی

قاره گؤزلرده‌کی قانه اوْلسۇن

منده قێزلاردا قۇربان ابوالفضل

چال سێنان شهپرون قۇملار اۆسته

قان سپیلسین بۇ صحرا بزه‌نسین

گلسه مئهمان جناندان بۇ دشته

قصریوین فرشینی قوْی بَیه‌نسین

زینیده‌ن دۆشسه توْپراقه پئیکر

پنجه ایسته‌ر بده‌ن راحت اوْلسۇن

پنجه‌سیز توْپراق اۆسته دۆشه‌نده

تاب ائدیبسه‌ن نئجه جان ابوالفضل

بۇ سؤزۆ آل-ی-عئصمت بیلیبدی

ین اوممید-ی-حرم‌سن اوَلده‌ن

آلدێ ادرکنی صوتون حَرَملر

خئیمه‌ده عرصه‌گاه-ی-جَدَلده‌ن

سن اوْلان خئیمییه جمع اوْلۇبلار

آتدێلار جومله سۇ جامین الده‌ن

ایسته‌میر تئشنه قێزلار سۇ سنده‌ن

آچ گؤزۆن یاتما عطشان ابوالفضل

تاپماغا سۇ کنارینده جیسمون

گلمیشه‌م سن گله‌ن یوْللارۇندان

ای وفا سروی اؤپدۆم یوْل اۆسته

ظۆلم-ی-خنجر سالان خوْللارۇندان

مشگیده‌ن سۇ آخان تک آخێر قان

توْپراقا قطع اوْلان قوْللارۇندان

خئیر-ی-مقدم یازێبدێر حسینه

قوْللارۇندان آخان قان ابوالفضل

بیر ائله حالدادێ یئرده جیسمون

سانکی گۆلزار-ی-ایمان داغێلمێش

قامت-ی-سرو-ی-رعنا یاتێبدێر

لاله‌ی-ی-باغ-ی-ریضوان داغێلمێش

یاکی شیرازه‌ده‌ن خارج اوْلمۇش

یئرده گویا کی قرآن داغێلمێش

جیسمیوی حمل ائده‌م خئیمه‌گاهه

یوْخدۇ واللاهی امکان ابوالفضل

قوْشار: هادی اردبیلی

حضرت ابوالفضل(ع) نوحه‌سی

زینبیـم گـل عـلمـداریـم اؤلــدۆ

با شهامت سپهــداریـم اؤلــدۆ

منتظر قالماسێن شیرخواریـم

قهــرمـان-ی-وفـاداریـم اؤلـدۆ

هم ساغێندان گئچیب هم سوْلۇندان

دؤنمئییبدیر ولی حق یوْلۇندان

سینه‌سی اۆسته پرچم اسیردی

قان سۆزۆردۆ یئره هر قوْلۇندان

زینبیم گل علمداریم اؤلدۆ

قان بۇ غمده گره‌ک قلبه دوْلسۇن

وار یئری گۆل گۆلۆستاندا سوْلسۇن

خئیمه‌سینین یاتێردێن ستونین

قارداشێم اؤلدۆ باشۇن ساغ اوْلسۇن

زینبیم گل علمداریم اؤلدۆ

با شهامت سپهداریم اؤلدۆ

یاندێرێر قلبیمی اوْخ سؤزۆنده‌ن

ماجراسین ائشیتدیم اؤزۆنده‌ن

گوئیا تلّه ساری باخێرمێش

اوْخ دگیب ناگهان ساغ گؤزۆنده‌ن

زینبیم گل علمداریم اؤلدۆ

سینه‌سی یاره‌لی باش یارالێ

ائیله‌ییب آلنێنێ داش یارالێ

حقّی وار اؤلمه‌گه گؤرسه قارداش

جان وئریر تئشنه قارداش یارالێ

زینبیم گل علمداریم اؤلدۆ

اوْخ دگیبدیر اوْلۇب مشگی پاره

مشگینه آغلئیور گؤزده یاره

غئیرته باخ اوْ حالتده گؤردۆم

آختارێر اصغره راه-ی-چاره

زینبیم گل علمداریم اؤلدۆ

گؤردۆم آغلێر دئییر جان رقیّه

یوْللارا باخما حئیران رقیّه

گئت ربابه دئنه‌ن باغلا قاره

اصغره یوْخدۇ درمان رقیّه

زینبیم گل علمداریم اؤلدۆ

پرچمین ساخلئیوب سینه اۆسته

گوئیا گۆل دۇرۇب دسته دسته

گؤرجه‌یین ایسته‌دی قالخا یئرده‌ن

پئیکری یاره‌لی خسته خسته

زینبیم گل علمداریم اؤلدۆ

یات دئدیم یات ادبلی وزیریم

یات شرافتلی غئیرتلی شیریم

نئیلیره‌م گۆنده باتسا باتێبدێر

باتدێ علقمده ماه-ی-مُنیریم

زینبیم گل علمداریم اؤلدۆ

با شهامت سپهداریم اؤلدۆ

قوْشار: حسین غفّاری اردبیلی

حضرت علی اصغر نوحه‌سی امام حسین(ع)‌ین دیلیجه

منیم گۆل تک سوْلان اوْغلۇم

علـی لای‌لای بــالام لای‌لای

جفـاده‌ن اوْخــلانـان اوْغلـۇم

علـی لای‌لای بـالام لای‌لای

عطش سنده نمایاندور

عجب حالون پریشاندور

بوْغازۇن پئیکرون قاندور

علی لای‌لای بالام لای‌لای

ستمله باغریقان اوْلدۇن

خَدَنگه سن نیشان اوْلدۇن

آچۆب گۆل تک خزان اوْلدۇن

علی لای‌لای بالام لای‌لای

یئتیب چوْخ ظۆلم قاتلده‌ن

آتێب اوْخ چونکو غافلده‌ن

سنی سالدێ اوْغۇل دیلده‌ن

علی لای‌لای بالام لای‌لای

سنی گتدیم بۇ مئیدانه

وئره‌م سۇ لعل-ی-عطشانه

باتێب جیسمون قێزێل قانه

علی لای‌لای بالام لای‌لای

آنان آغلار فراقوندان

کنار اوْلدۇن قۇجاغێندان

اؤپه‌نمه‌ز گۆل دوْداغۇندان

علی لای‌لای بالام لای‌لای

منیم قلبیم باشێ یاندێ

کؤمک‌لر جومله دوْغراندێ

بوْغازۇن بئیله اوْخلاندێ

علی لای‌لای بالام لای‌لای

اۇزاق دۆشدۆن گۆلۆستاندان

بوْیاندێ جیسمون آلقاندان

سۇ ایچدون نوک-ی-پئیکاندان

علی لای‌لای بالام لای‌لای

شهید اوْلدۇن لبون عطشان

بوْغازۇندان آخێر آلقان

سنی وئردیم قۇزۇ قۇربان

علی لای‌لای بالام لای‌لای

باتێبدێر قانه روخسارون

گۆزه‌لدیر رنگ-ی-گۆلنارون

اوْغۇل بوْش قالدێ گهوارون

علی لای‌لای بالام لای‌لای

قوْشار: مضطر اردبیلی

جناب علی‌اصغر(ع)‌ین آناسێ دیلیجه نوحه ۱

عطشان قـالێب گـۆل تک سـوْلان

لای‌لای اصغریم ای وای اصغریـم

ای قــان ایـچیـب سـیـــراب اوْلان

لای‌لای اصغریم ای وای اصغریم

کیم بئشیکده‌ن آلدێ یئرین

توْپراقلارا سالدێ یئرین

سینه‌مده بوْش قالدێ یئرین

لای‌لای اصغریم ای وای اصغریم

دهرین گۆلۆ سوْلسۇن اوْغۇل

سوْلسۇن خزان اوْلسۇن اوْغۇل

بی‌کس آنان اؤلسۆن اوْغۇل

لای‌لای اصغریم ای وای اصغریم

منی دئمه‌زدیم آتاسان

قێرمێزێ قانه باتاسان

لای‌لای دئییم یاتاسان

لای‌لای اصغریم ای وای اصغریم

سن یاخشێ شیرین دیلیدین

خوْش اوْخۇیان بۆلبۆلیدین

گل آخیرینجی گۆلیدین

لای‌لای اصغریم ای وای اصغریم

اوْخ سنی بی‌تاب ائله‌ییب

آلوده‌-ی-خواب ائله‌‌ییب

قانیله سیراب ائله‌ییب

لای‌لای اصغریم ای وای اصغریم

ای تازه گۆل تازه نهال

حالین اوْلۇبدۇ حال به حال

خێردا بالام یات یۇخۇن آل

لای‌لای اصغریم ای وای اصغریم

سسله‌ر سنی داد‌رسین

سس وئر اگر وار نفسین

اؤلمه‌میسه‌ن نوْلدۇ سسین

لای‌لای اصغریم ای وای اصغریم

سینه‌م نه‌دن داغلامێسان

شیرین سۆده باغلامێسان

توْخسان مگر آغلامێسان

لای‌لای اصغریم ای وای اصغریم

بئیله خراب ائتمه منی

بی‌صبر-وْ-تاب ائتمه منی

دیل‌دن کباب ائتمه منی

لای‌لای اصغریم ای وای اصغریم

ای آهوی-ی-وادی-ی-شوق

بوْینۇندا وار رشته‌ی-ی-ذوق

قاندێر بۇ یا قێرمێزێ طوق

لای‌لای اصغریم ای وای اصغریم

من غرق-ی-بحر مُحنم

صرّاف-ی-شیرین سُخنم

دییه‌ن اؤزگه‌دیر نه منم

لای‌لای اصغریم ای وای اصغریم

قوْشار: صرّاف

جناب علی‌اصغر(ع)‌ین آناسێ دیلیجه نوحه 2

دوْلان قـانیلــه قــوْنـداقــێ

علی لای‌لای بالام لای‌لای

قێــزاردان قـانـێ توْپـراقی

علی لای‌لای بالام لای‌لای

گۆلۆستانین گۆلۆ سوْلسۇن

پوْزۇلسۇن پایمال اوْلسۇن

بالا سن‌سیز روباب اؤلسۆن

علی لای‌لای بالام لای‌لای

الیمده‌ن کیم سنی آلدێ

بئله توْپراقلارا سالدێ

آنان یاخشێ مله‌ر قالدێ

علی لای‌لای بالام لای‌لای

آنا دهرین بلاسینده‌ن

دؤنه‌رمیش اؤز بالاسینده‌ن

علی لای‌لای بالام لای‌لای

اێشێقلێ اۇلدۇزۇم آتدێن

منی توْپراقیده یاتدێن

نه تئز چێخدێن، نه تئز باتدێن

علی لای‌لای بالام لای‌لای

آنان بۇ حالت-ی-زارون

گؤرۆب اوْلدۇ گیریفتارون

دۇ گل بوْش قالدێ گهوارون

علی لای‌لای بالام لای‌لای

سنی بی‌حال ائده‌ن اوْخدۇ

یانان بۇ حالیوه چوْخدۇ

ولی لای‌لای دییه‌ن یوْخدۇ

علی لای‌لای بالام لای‌لای

کؤنۆل دردینله سرخوْشدور

قۇجاقیمده یئرون بوْشدۇر

اؤزۆم لای‌لای دییه‌م خوْشدۇر

علی لای‌لای بالام لای‌لای

مگر دوشمن امان وئردی

سنه رحمین نیشان وئردی

گؤرۆب سۆد یوْخدۇ قان وئردی

علی لای‌لای بالام لای‌لای

علی سن‌سیز سنی آندێم

سمندر تک اوْدا یاندێم

سسیمه سس وئر اوْدلاندێم

علی لای‌لای بالام لای‌لای

شل اوْلسۇن قاتلون آخر

خزان ائتدی گۆلۆن آخر

نوْلۇب شیرین دیلون آخر

علی لای‌لای بالام لای‌لای

اوْیان درد-وْ-بلان آللام

دۇرۇنجا سن اوْیاق قاللام

کئشیکچین من اؤزۆم اوْللام

علی لای‌لای بالام لای‌لای

سۆدیله‌ن دوْلدۇ پئستانیم

دور ای شمع-ی-شبستانیم

بهار-ی-باغ-وْ-بوْستانیم

علی لای‌لای بالام لای‌لای

بۇ صرّاف-ی-سییه‌نامه

یئتیردی شئرین اتمامه

یینه باشدان یازار خامه

علی لای‌لای بالام لای‌لای

قوْشار: صرّاف

حضرت علی اصغر(ع) نوحه‌سی

الیم اۆسته شیرخواره، بالام اوْخلانێبدێ زینب

ال آیاق چـالانـدا اصغـر، اۆره‌گیم یانێبدێ زینب

دئ روبابه ائیله‌مه‌ز ناز سنه سۆد امه‌ر دوباره

بوْیانێب قومادی قانه بوْغازینه دگدی یاره

قالاجاق همیشه خالی، بیلیره‌م اوْ گاهواره

پر آچێب اۆچۆب بهئشته، قوْنا یوْللانێبدێ زینب

باجێ مُرغ-ی-دل بۇ چؤلده قفس-ی-جهانی آتدێ

نه گؤزۆن آچێب اوْیانماز، قانێنا بوْیاندێ یاتدێ

دوْلانێب هیلال-ی-ماهیم، الیم اۆسته چێخدێ باتدێ

آلێشێب فراق اوْدۇندا اۆره‌ک اوْدلانێبدێ زینب

دئ روبابه گلمه‌ز اصغر، آلاجاق کمین قۇجاقه

اوْنۇلان حسین قوْیۇبدۇر باجێ بیر دوْداق دوْداقه

باجێ من گله‌نده قێزلار، قوْل آچێب گلیب قباقه

بۇ امامت حقّین اعداء، جمع اوْلۇب دانێبدێ زینب

بیری اوْلمادێ بۇ چؤلده بالامێ آلا الیمده‌ن

اۇجالێب سمایه آهیم، باجێ یاره‌لی دیلیمده‌ن

بۇ حسین کئچیبدی جاندان چکیلیب الیم ائلیمده‌ن

سۇ یوْلۇ حسینه گؤردۆن، نئجه باغلانێبدێ زینب

باجێ جوشه گلدی قانێم، بالامێن چێخاندا جانی

اوْخا باخدێ بۇ حسین‌ین، باشا یئتدی امتحانی

نظر ائیله اللریمده‌ن بوْیادێ بۇ قان هوانی

بۇ خییامیده عزاسی، اوْدۇ باشلانێبدێ زینب

دایانێب اوْ قان هواده، باجێ روز-ی-محشر اوْلسۇن

شُهدا دؤشۆنده قانێ، چو مئدال-ی-اکبر اوْلسۇن

اوْ مئدال-ی-پُربهایه، یازێلان پئیمبر اوْلسۇن

بالامێن اوْدۇر هواده، قانێ ساخلانێبدێ زینب

اوْ قانێن جلالی چوْخدۇر باجێ سهل سانماق اوْلماز

علم-ی-یزیدی یێخدێ، اوْ علم باجێ اۇجالماز

منی سربلند ائدیبدیر باجێ یئرده قانی قالماز

اۆره‌گیم بۇ کربلاده نئجه داغلانێبدێ زینب

باجێ مُهر ائدیبدی اصغر، قانێ دفتر-ی-حسینی

بَشره ائدیبدی ثابت، چون علی ولایت‌ینی

بۇ قانێن شراره ناری سالا شامه شور-وْ-شینی

بوْغازێ کیمین حسینین دیلی اوْخلانێبدێ زینب

قوْشار: ثابت اردبیلی

حضرت علی اکبر(ع) استمدادی

گل عُقابیده‌ن یێخێلدێم، بابا ارض-ی-کربلایـه

قالێـب اکبـرون آراده تئـز اؤزۆن یئتیـر هـرایه

اوْ گـۆلـه وارێمـدێ بنــزه‌ر قێـرێلێبــدێ خـول بۇداقدان

سارالێبدێ شاخ-وْ-برگیم قان آخێر سۇسۇز دوْداقدان

نئجه گؤر دوچار-ی-خاره‌م، بابا دۆشمۆشه‌م آیاقـدان

گتیـریــب بـابـام پئیمبــر، ســۇ اؤزۆ سـۇسـۇز فدایه

اوْ قده‌ر وۇرۇبلا یاره، سۇ کیمی راواندێ قانێم

یارا یاره اۆسته دگمیش یارالاندێ خسته جانیم

منه گل ترحّم ائیله سنه وار فقط گۆمانیم

یئتیر ای اومید-ی-عالم، اۆزۆنۆ بۇ غم فزایه

من اوْ اکبرم جمالیم رُخ-ی-مصطفی‌ٰ‌یه بنزه‌ر

گۆل-ی-گۆلشن-ی-پئیمبر، گۆل-ی-باصفایه بنزه‌ر

گۆل سُرخ تک یایاقلار داغێلان دمایه بنزه‌ر

اوْلۇ جاری قان یۆزۆمده‌ن گئدیره‌م بۇ گۆن بقایه

سنی گؤزلۆر اکبر اوْغلۇن بیلیسه‌ن جمالی سوْلمۇش

قان آخێب دوْلۇب عُذاریم نئجه بحر موجه دوْلمۇش

بلی کوکب-‌ی-امامت یۆزۆ احمرانه اوْلمۇش

گۆنۆ گؤزلئییر سیتاره، آخێرێ بۇ نئینوایه

بۇ صدانی شمس-ی-عزّت ائشیده‌نده رنگی سوْلدۇ

گؤزۆنه چکیلدی پرده نئجه چیشمه آب دوْلدۇ

دۇتۇلۇبدۇ مئهر-ی-تابان، غمی بی‌نهایت اوْلدۇ

دئدی فوری ذوالجناحی گتیرین گئدیم مینایه

اوْ شهین جمالی سوْلدۇ دوْلانێب دؤنۆبدۆ زرده

بیر الی بئلینده گلدی گؤرۆب اکبرینی یئرده

اوْدۇ شاه-ی-کربلانین اۆره‌گی گلیبدی درده

بۇیۇرۇب منیمده آهیم چێخێب ایندی نُه سمایه

نئجه رزمگاهه گلدی گئدیب الده‌ن ایختیاری

بلی ذوالجناحین اۆسته‌ن یئره دۆشدۆ انکساری

دئدی وای اوْغۇل کسیلدی آتاوێن داخێ قراری

یۆزۆ اۆسته تا سۆرۆننه‌م عمل ائیله‌ره‌م وفایه

قوْشار: حیرانی اردبیلی

حضرت علی اکبر(ع) نوحه‌سی

علـی سـن کفن گئییبسه‌ن، ائیله‌سین نه چاره لئیلا

دایــان حســرتیلـه ائتسیـن، سنـه بیـر نیظـاره لئیـلا

منی گؤرمه‌گه گلیبسه‌ن، بدنونده خلعت اوْغلۇم

آناوێلا بئش دقیقه، اوْتۇر ائیله صحبت اوْغلۇم

اله چوْخ چتیندی دۆشسۆن، بئله بیر سعادت اوْغلۇم

سنی گؤرسه قان ایچینده، گؤره‌جک دوباره لئیلا

نئجه ائیله‌ییم تحمّل، بۇ فراق-ی-جاوداندا

منیم عزّتیم بیلیرسن، سنه بسته‌دیر جاهاندا

اۆره‌گیم فرحله‌نَردی، یۆزیوه باخان زاماندا

دۆشۆر ایندی گۆل یۆزۆنده‌ن اَبدی کناره لئیلا

یئری وار غموندا ناله‌م، گر اۇجالسا آسمانه

صفحات-ی-زندگیمی، عوض ائیله‌دی زمانه

بیلیره‌م کی خوْش گۆنۆمده‌ن، منه قالمادێ نیشانه

نه قده‌ر وار عؤمری داییم، گله‌ر آه-وْ-زاره لئیلا

منی آغلادێر علاقه‌م، سنه کشف‌دیر قضایا

اۆره‌گیم دۇتۇبدۇ رعشه، بدنیم اسیر سراپا

نفسیم دۆشۆبدۆ تنگه، اؤلۆره‌م یوْخۇمدۇ یارا

یئری واردێ خئیمه‌لرده، دۆشه ایحتیضاره لئیلا

دانێشام سؤزۆم سنیله، اۆره‌گیمده وار مفصّل

ولی ائیلیره‌م خولاصه، سنی ائتمه‌ره‌م معطّل

بیلیره‌م قَییتمه‌گۆن یوْخ، سنین ای قتیل-ی-اوّل

یاخێن اوْلدۇ باشه قاره، سالا بخت-ی-قاره لئیلا

سنی ای غزال-ی-زیبا، سالار اوْوچێلار کمه‌نده

باشێما سالار قرآنی، باشۇوا قێلێج اَنه‌نده

چێخارام اؤزۆمده‌ن اکبر، باشۇن اۆستۆنه گله‌نده

نئجه تاب ائده‌ر باشۇندا، گؤره واردێ یاره لئیلا

دؤز اوْ قدری تار-ی-زۆلفۆن، علی بیر داراخلایێم گئت

قوْی اؤپۆم دوْداقلارۇندان، سنی بیر قۇجاقلایێم گئت

الیوی نئچه دقیقه، سینه‌م اۆسته ساخلایێم گئت

بۇ غموندا گؤر دۆشۆبدۆر، نه قده‌ر فیشاره لئیلا

قوْشار: انور اردبیلی

حضرت علی اکبر(ع) نوحه‌سی

اکبـر دیلـه گـل، غمـزده لئیلانـی دانێشـدێر

آچ قانلێ گؤزۆن بۇ ائوی ویرانی دانێشدێـر

چسبنده ائدیب بیربیرینه لب‌لریوی قان

دیلده‌ن سنی نه نوع سالێب فرقه‌ی-ی-عُدوان

یا اینکه سێنێب قلبون آنوْندان سنه قۇربان

دیندیرمه منی زینب-ی-عُلیانی دانێشدێر

قان پرده چکیب گیزله‌نیب آی ماه جمالون

هرچه باخێرام گؤرمۆره‌م اوْل هاشیمی خالون

هیجران یئلی خاموش ائله‌ییب شمع-ی-وصالون

سن‌سن آناوێن شمع-ی-فروزانی دانێشدیر

ای شمع-ی-شبستان سنی کیم ائیله‌دی خاموش

قێرمێز سنه گئیدیردی آنوْن اوْلدۇ سییه‌پوش

باخدێقجا سنه محنت-وْ-دردیم ائله‌ییر جوش

قلبیم آلێشێر بۇ دل-ی-سوزانی دانێشدێر

کیم وار کیمه ایظهار ائله‌ییم دردیمی بیر بیر

منله‌ن دیله گلمیرسن اوْغۇل منده نه تقصیر

هئچ من دئمیره‌م من آنوْوام بیر منی دیندیر

آغوشیوه آل اصغر-ی-عطشانی دانێشدێر

کم نور ائله‌ییبسه‌ن گؤزۆمۆ ای دۇتۇلان آی

کشف ائیلییه‌بیلمه‌م سؤزۆمۆ ای دۇتۇلان آی

من کی دئمیره‌م تک اؤزۆمۆ ای دۇتۇلان آی

بیر عدّه گؤزۆ یاشلێ پریشانی دانێشدێر

باخدۇقجا سنه ائیله‌ییره‌م قلبده‌ن افسوس

عؤمرینده‌ن ائدیب درد-وْ-غمون لئیلینی مأیوس

جیسمیم ائله‌ییب خسته اوْلان روحیمی محبوس

قوْیما علی روحیم اوْلا زندانی دانێشدێر

عفو ائیله اوْغۇل قالدێم اگرچه گئجه گلدیم

واللاهی اێشێقلێ گۆنۆم اوْلدۇ گئجه گلدیم

گلدیم باشێوێن اۆستۆنه امّا نئجه گلدیم

منده‌ن خبر آل سن بۇ قضایانی دانێشدێر

قوْشار: نخستین اردبیلی

حضرت علی اکبر(ع) نوحه‌سی

گلئیدی لئیلی جانینه، گؤزۆن فداسی اکبریم

اوْلۇبدۇ باشێوێن قانێ، الون حناسی اکبریم

تالانمێسان ورق-ورق، چمنده یاسمن کیمی

جهانه بیر اوْغۇل گله‌ر، مگر دوباره سن کیمی

نه بیر آنا اسیر اوْلار، کمند-ی-ظۆلمه من کیمی

سالار شراره عالمه، اۆره‌ک نواسی اکبریم

اوْن سگگیز ایلدی من سنون، انیس-وْ-غمگسارۇوام

دیندیر منی گؤزل بالا، اسیر-ی-داغدارۇوام

سن مست-ی-کردگارسن، منده سنون خمارۇوام

دۇر دۇت الیمده‌ن ای منیم، الیم عصاسی اکبریم

عبانی یۆزده‌ن آچ باخێم، تئلوندا نقش اوْلان قانا

آنا دئ سسله سن منی، هوسله من دئییم جانا

اؤپۆم اوْ قانلێ گؤزلرون، سێزێلدایێم یانا-یانا

سالێندێ باشێمه دئییم اوْغۇل قاراسێ اکبریم

قوْیما اوْ قانلێ کێپرێگۇن، پرده چکه گؤز اۆستۆنه

بۇندان علاوه غملرون، کؤز قالێیا کؤز اۆستۆنه

قوْی بیر یارالێ باشێوێ، ایندی آلێم دیز اۆستۆنه

گؤر نئجه دیلده لئیلینین، وار اوْخشاماسێ اکبریم

دیداریوه اگر علی، گله‌نده قالمێشام دالا

نفسده‌ن آز قالێر منی، بۇ غملی آیرێلێق سالا

ایجازه وئر یانا-یانا، آیاغێوێ اؤپۆم بالا

یوْخ سنده‌ن اؤزگه لئیلی‌نین، بیر آشناسێ اکبریم

دانێش بیرآز دیلونداکی، اوْلان ملالیوی بیلیم

هؤرۆگۆمۆ آچێم علی، دوْداغێوێن قانێن سیلیم

ثوابی واردێ لۆطف ائله، یۆزۆمه گۆل قێزێل گۆلۆم

اوْلسۇن گۆله‌ن یۆزۆن منه، وصلت نداسی اکبریم

درخت-ی-باغ-ی-عؤمریده‌ن، گۆل-ی-مُرادی درمه‌دیم

توْیۇندا لاله یاندێرێب، گلین هؤرۆگۆ هؤرمه‌دیم

بخت اوْتاغێن آچاندا سن، الی حنالی گؤرمه‌دیم

ساغالمایاندێ قلبیمین، بۇ بیر یاراسێ اکبریم

منیم اۆره‌کده دردیمی، فراق اوْدۇن چکه‌ن بیله‌ر

اوْغۇل دالێجا دائما"، یوْللارا گؤز تیکه‌ن بیله‌ر

پرپر اوْلان گۆلۆن غمین، شئیدا بیله‌ر، اکه‌ن بیله‌ر

آنانێ فوری پیر ائده‌ر، هیجران بلاسی اکبریم

باشیوه قاتلون وۇرۇب، جدّون علی کیمی یارا

اۆستۆمه قَیته‌ریب منیم، بخت آینامێ پارا-پارا

سن هارا نازنین اوْغۇل، قانه باتان عبا هارا؟

یاراشمئییر وجودیوه، بۇ توْی لیباسی اکبریم

دارێخدێ قلبیمین باشێ، دانێش منیله گۆل یۆزه

اوْ قاره زۆلفێوێ بالا، بۇ قدری سالما گۆل یۆزه

آدامسێزام، کؤمه‌کسیزه‌م، بیر باخ منیله گؤز-گؤزه

گلئیدی سینه‌مه دئییم، گؤزۆن قاداسێ اکبریم

قوْشار: سیّد تقی سیفی اردبیلی

قتلگاه نوحه‌سی

گـۆن دۇتـۇلدێ باتدێ آی، گلـدی شب-ی-یلـدا یئـره

زولف-ی-زینب‌دن آخۇب، قان ظهر-ی-عاشورا یئره

پُر تلاطیم ائیله‌دی، گـویـا سێنـۇب عرش-ی-خـودا

حنجه‌ره خنجه‌ر قوْیۇب، قاتیل؛ ائـدوب خنجه‌ر نــوا

بوسـه‌گـاه-ی-حضــرت-ی-محمــودی اؤپــدۆ برمـلا

معجه‌رین باشدان سروب صدّیقه‌ی-ی-کبری یئره

قانیله‌ن بیر دسته‌ماز آلدێ، حۆسئن روکن-ی-نماز

خنجــه‌ر آلتێنــدا ائـــدوب، آلـلاهـیلــه‌ن راز-وْ-نییـاز

عاشیق-ی-قرآنیدیر، شاهنشه-ی-مولک-ی-حئجاز

جبـرئیــل امــر خـودا ده‌ن گتـدی بیـر تغـرا یئــره

سایه سالدێ شهپه‌رینده‌ن شاه-ی-دین اعضاسینه

قـان یــارالاردان آخار اولدی، آخـۇب صحـراسینـه

گـؤردی جبـریـل غــرق اوْلـۇبدۇر، لخته قان دریاسینه

باش آچۇب گلسون گره‌ک، پئیغه‌مبه‌ر-ی-طاها یئره

عرض ائدوب آللاه سنه، گؤنده‌ردی منده‌ن بیر سلام

وئـر ایجـازه دوْغـرانـان قـۇربـانـلارۇن ائتسـون قییـام

سجده‌دن قالخێـزدێ باشێـن بـاخـدێ بـالایـه ایمـام

گؤردی سایه جبرئیـل، سالمێـش عجـه‌ب تنهـا یـئره

نوطقه گلدی شهپه‌رون چـک سایـه سالمـا یاره‌یـه

شمس-ی-عاله‌م تؤکسۆن آتش خون-ی-بافواره‌یـه

قـانیلــه‌ن اوْخــلار چکـوب، اعضا دل-ی-صد پاره‌یه

یاره‌لـرده‌ن قـان آخـۇب، یـازدێ بـۇ گۆن اینشا یئره

وئـرمیشـه‌م قـۇربـان جـوانانـی سۇسۇز ایسلامه من

ائیله‌ره‌م خیدمه‌ت کسیلمیش، باشیله‌ن احکامه من

قتـل‌گـَهـده‌ن گئتمـه‌ره‌م ائــی جئبرئیـل اخیـامـه مـن

خئیمــه‌ده زولفــون یـوْلـۇب معجـه‌ر آتـۇب افتـا یئـره

حضرت-ی-پئیغه‌مبـه‌ریـن قانــۇنێنــێ ائحیـا ائــده‌م

آیه‌ی کهفـی جیدا اۆسته، گئدۇب معنــا ائــده‌م

قانیمیلـه‌ن مـن علی حقّین یازۇب اینشا ائـده‌م

دۆشمۆشـه‌م آتدان سلـامــه‌ت جبـرئیـل آیا یئـره

اۆچ یـاشێنـدا بیـر قێـزێـم وار زولفله‌رین آلمێش اله

داغ-ی-اکبــر واردێ دیلــده، اوْخ وۇرۇبــدۇر حرملــه

قــوْلـلارێ باغلـێ مینیر اهـل-وْ-عیالیــم محمیلــه

آخمئیـۇب قـانێـم یـارالاردان بـۇ گـۆن بیجا یئــره

«ثابیتا» ال آت حۆسئینین دامه‌نینده‌ن دۇت اؤزۆن

آلتێ گوشه قبـریده قالـدێ سنون آغلار گـؤزۆن

هر مکاندا داییر ائتدی ماته‌مـی نیسگیل سـؤزۆن

زینـب‌ون آهـێ گتـوردی محشه‌ر-ی-کبری یئره

قوْشار: اردبیللی ثابت

اربعین نوحه‌سی

قافیله‌یئ غم دوباره گلدی دشت-ی-نئینوایه

زینب-ی-سییاه معجـه‌ر، تئزه‌ده‌ن باتێب قـرایه

قبــر-ی-پـاکـه یئتمـه‌میش کیـم، دۇردۇ بیــر ازه‌ل دایـانــدێ

رنگی سوْلدۇ دۆشدۆ بیهوش، بسکی قلب-ی-زاری یاندێ

سپــدی ســۇ یــۆزینــه بیمــار، آچــدێ گــؤزلـه‌رین اوْیاندێ

چکـدی تـا اؤزیـن یـئتیــردی، قبـــر-ی-شـــاه-ی-کربـــلایــه

دیل آچاندا اووه‌ل-ی-امر، اوْلمادێ دیلـی دانێشسێن

تـا گلیـب دئـدی بـراده‌ر، کاش کـی بـۇ زینب اؤلسۆن

من نئجه گؤرۆم مزارین، کاش گؤزله‌ریـم کوْر اوْلسۇن

هاردادێر اجه‌ل کی وئرسین، عؤمریمی منیـم فنایـه

مــن فــدا سنیـن وفـاوا، ائــی عـزیز-ی-جان براده‌ر

باش گؤتۆر مزاریده‌ن دۇر، باشێمه اوْلـۇب نه کۆللـه‌‌ر

سن اؤله‌ن سوْرا گؤرۆبدۆر، بۇ باجێن نه قاره گۆنله‌ر

دستگیر اوْلۇبدۇ شئمر-وْ-ائبن-ی-سعد-ی-بی‌حیایه

سن شهید اوْلۇب داغێلدێ، شؤکه‌ت-وْ-جلال-وْ-جاهێم

اۆستۆمه قوْشۇن تؤکۆلدۆ، یاندێ جۆمله خئیمه‌گاهیم

چادریــم تالانــدێ بــاشــدان، اوْلمــادێ بیــر پنـاهیـم

تـاپمـادێـم اومـۇد قـارداش، یـالـوارێب گئـدیـم هـارایـه

باش آچێــق بــۆره‌هنــه نــاقــه، زینبــون سـوار اوْلۇبدۇر

کوفه ده‌ن دییار-ی-شامه، شئمر-ی-دون دوْلانـدێرێبدیر

چارسوده خلق ایچینده، اهـل-ی-بئیتی ساخـلاییبـدیر

صف بئصه‌ف ائدیب تماشا، دۆشمه‌ن آل –ی مصطفی‌یه

جۆمله غمله‌رینده‌ن آرتێق، بیرجه غم منی آلێبـدێر

چوْخدۇ خیجله‌تیم براده‌ر، نه دئییم بیله‌ن نوْلۇبـدۇر

بیــر رقیــه آدلــێ نـازلـێ، خورداجا قێزین اؤلۆبدۆر

آج خرابه تــوْپـراق اۆستـه، دردی یئتمـه‌دی دوایـه

ساچـلارێــم آغـاردێ غمــده‌ن، بسکــی آه-وْ-نـالـه قێلدێم

گؤزله‌ریم دۆشۆب اێشیقده‌ن، آغلادێم زئ بس کوْر اوْلـدۇم

اؤز ائـویمـی یاخشـێ یێخــدێـم، من نئجه بۇ دشته گلدیم

اینـدی گــؤر قالێبـدێـر حســـره‌ت، لئیلـی تـک آنــا بـالایــه

نائحــا حــۆسئینــه هــر کــس، زائــر اوْلســا اربـعیــن ده

وار یقین اوْ شخص-ی-مؤمئن، یوْخ هراسی جان وئره‌نده

ائــی خــودا نصیــب ائیلــه، بیــرجــه اربعیــن گــۆنــۆنده

زائر اوْلسۇن اهل-ی-مجلیس، جۆمله شاه-ی-کـربـلایـه

شاعر: نائح

اربعین نوحه سی

ائی گئچه‌ن ایکی قوْلۇندان، صاحیب-ی-عله‌م قارداش

شـامیــده‌ن گلیـب گئتسیـن، یثـریبــه حــرم قــارداش

ائی آتام علی اوْغلۇ، ائی وفالی قارداشێم

دۇر پوْزۇلدۇ پرقاریم، ائی رشید عله‌مداریم

بیز گله‌نده یثریب ده‌ن بۇ بلالی صحرایه

پاسبانیدی یوْلدا، سن بنات-ی-زهرایه

ایندی یوْخ اوْلا اکبر، سرپرست-ی-لئیلایه

قالمایێب منه محره‌م، بیر نفه‌ر خده‌م قارداش

ائی آتام علی اوْغلۇ، ائی مه-ی-بنی هاشم

قئبله‌گاه-ی-آمالێم، ائی وفالی قارداشێم

سن شهید اوْلان گۆنده‌ن، قان اوْلۇبدۇ گؤز یاشێم

دم‌بئده‌م گلیب موجه، گؤزله‌ریمده یم قارداش

تا بۇ غملی صحراده، تاپدێ ال سنه لئشگه‌ر

قارداشێم حۆسئن اؤلدۆ، یاندێ خئیمه‌له‌ر یئکسه‌ر

قالمادێ بنی هاشم، قێزلارێندا بیر معجه‌ر

سؤیدۆ آل-ی-اطهاری، فرقه‌یئ ظؤله‌م قارداش

هاشمی‌له‌ر اهل-ی-شامه، گؤر نه دستگیر اوْلدۇ

مه جبین بالا قێزلار، باش آچێق اسیر اوْلدۇ

پاسبان خاتونه، فرقه‌یئ شریر اوْلدۇ

سرو قددیمی ائتدی، بۇ قضیه خم قارداش

بۇ سفرده اندوهیم، گرچه چوْخ مزید اوْلدۇ

قددیمی بۆکه‌ن امما، مجلیس-ی-یزید اوْلدۇ

بیر مقامه ایش چاتدێ، دۇرماغێم شدید اوْلدۇ

زیر-ی-تار-ی-قلبیمده‌ن، اوْلدۇ ناله بیم قارداش

قلبیمی بۇ نیسگیل چوْخ، گتدی محنت و درده

جان خرابه ده وئردی، بیر بالام قۇرۇ یئرده

حالینه باخێب تؤکدۆم، گؤزیاشێ روْخ-ی-زرده

قالدێ بی‌کفه‌ن دوْخت-ی-شاه-ی-مؤحته‌شه‌م قارداش

گنج-ی-عیصمه‌ته مدفه‌ن، اوْلدۇ کوْنج-ی-ویرانه

آل حیدرین اشکین، دؤنده‌ریب بۇ غم قانه

اوْل گۆل ایله ویرانه، دؤندۆ بیر گۆلۆستانه

رشک ائده‌ر اوْ گۆلزاره، گۆلشه‌نه ارم-ی-قارداش

شاعر: سعدی زمان

اربعین نوحه سی

ائی پادیشاه-ی-ائنس-وْ-جان، قارداش حۆسئن گلدیم اوْیان

هئجرونده گؤگلۆم اوْلدۇ قان، قارداش حۆسئن گلدیم اوْیان

شامه گئده‌نده جیسمیوی، عوْریان قوْیۇب گئتدیم حۆسئن

گۆنله‌ر اؤنۆنده قانووا، غلطان قوْیۇب گئتدیم حۆسئن

قوْیمادێلار دفن ائیلییه‌م، عدوان قوْیۇب گئتدیم حۆسئن

شئمرین جفاسینده‌ن امان، قارداش حۆسئن گلدیم اوْیان

شام-ی-غریبان تۇتماغا، قوْیمادێ قارداش اهل-ی-کین

شامه کیمین قان آغلادێم، بۇ نیسگیله ائی شاه-ی-دین

هانسێ موصیبه‌تده‌ن سنه، تقریر ائدیم تۇتماز دیلیم

بۇندان شیکایه‌ت ائتمه‌ره‌م، ویرانه اوْلدۇ منزیلیم

چێخماز یادیمدان بۇ جفا، هرچند چوْخدۇر نیسگیلیم

گؤردۆم لبوندا خئیزه‌ران، قارداش حۆسئن گلدیم اوْیان

آلسان خبر گئتدیم نئجه، شامه براده‌ر حالی سن

ائتدیله نه جور-وْ-جفا، بۇندان سراسر حالی سن

منزیل بئ منزیل نئیله‌دی، اطفاله لئشگه‌ر حالی سن

وۇردێلا قمچی هر زمان، قارداش حۆسئن گلدیم اوْیان

هر رهگذرده شامییان، جوخه بئ جوخه دۇردێلار

سنگ-ی-شماته‌ت له گؤیۆل، آیینه‌سین سێندێردیلار

بعضی دئدیله‌ر خارئجی، بعضی‌سی طعنه وۇردێلار

گه کف زنان، گه دف زنان، قارداش حۆسئن گلدیم اوْیان

سنده‌ن سوْرا چوْخ یانمێشام، پروانه وار اوْدلارا من

گه کوفه ده گه شامیده، گزدیم حۆسئن آواره من

گه بزم-ی-عامه گئتمیشه‌م، گه کوچه-وْ-بازاره من

اوْلدۇم عجب بی‌خانیمان، قارداش حۆسئن گلدیم اوْیان

اهل-ی-حرم یئکسه‌ر گلیب، ماه-ی-مدینه گلمه‌ییب

راحه‌ت ائدیب غمده‌ن اؤزین، اوْل بی‌قرینه گلمه‌ییب

غۆربه‌ت مزار، اؤلدۆ قێزون، نازلێ رقیه گلمه‌ییب

وئردی قۇرۇ یئرله‌رده جان، قارداش حۆسئن گلدیم اوْیان

شاعر: دلریش

جناب زینب قتلگاهده نوحه دئییر

وئردون اخا بۇ چؤلـده، لـب تئشنـه جــان یارالــێ

ائی غوسلی قان یارالێ

گۆنله‌ر اؤنۆنده جیسمون، قالمێش عۇریان یارالێ

ائی غوسلی قان یارالێ

ائتسیـن نه چـاره زینب، بۇ بختی قــارا زینــب

تاپماز علاج زینــب،  ائی غوسلی قان یارالێ

سینه‌نده یاره قارداش، گلمــه‌ز نـده‌ن شـومــاره

ائیلیبلـــه پـاره-پــاره، یـــوْخ یـاره‌وه شـــومـــاره

ائی غوسلی قان یارالێ

گلدیـم کـی بلکـه بیـرده، نعشون چکیـم کناره

قلبیمده قالدێ حسره‌ت، ائی مئهریبان یارالێ

ائی غوسلی قان یارالێ

جــور-وْ-جفــاده‌ن اعــدا، هــرگیــز دئمــه دوْیـۇبــلار

اهل-ی-حره‌می بیربیر سن تک حۆسئن سوْیۇبــلار

چــۆن مـوْرغ-ی-بـال بستـه، بـی‌آشییــان قـوْیۇبـلار

حئیـران چـؤلـۆ گـزه‌رلــه‌ر، بـــی‌آشییـــان یـارالــــێ

ائی غوسلی قان یارالێ

بــۇ چـؤلده ظــۆلـم الیلــه‌ن، پـرقاریمیـز پوْزۇلـدۇ

سن‌سیز قطـار-ی-زینب، شامه طره‌ف دۆزۆلـدۆ

قالدێم ویصاله حسره‌ت، الیـم سنـده‌ن اۆزۆلـدۆ

اوْلسـۇن بۇ اهل-ی-بئیتـه کیـم پاسبـان یارالێ

ائی غوسلی قان یارالێ

هانسێ موصیبه‌تیمده‌ن ائیلیـم، سنه شیـکایـه‌ت

بیر یان غم-ی-فراقون، بیر یانـدا درد-ی-غـۆربـــه‌ت

آیا روادی گؤرسیـن، زینـب بــۇ نـوعــی فـۆرقـــه‌ت

قارداش دییه‌نده وۇرسۇن، شئمر-وْ-سنان یارالـێ

ائی غوسلی قان یارالێ

بیر یاندا باشدا قارا، لئیلایئ موضطه‌ر آغلار

بیر یاندا نوْ عروسی، بی‌یــار-وْ-یـاوه‌ر آغـلار

بیر یانــدا ام‌کلثــوم زار-وْ-مـوْکــه‌دده‌ر آغـلار

اوْج ائیلـه‌ییـب سمایــه، آه-وْ-فغـان یارالـێ

ائی غوسلی قان یارالێ

بیر لحظــه ایستیراحـه‌ت، یــوْخ کوفییـان الینــده‌ن

طاق اوْلدۇ صبر-وْ-طاقه‌ت، شئمر-وْ-سنان الینده‌ن

قــان آغــلارام همیشــه، بــۇ ساریبــان الینـــده‌ن

ائتـدی سیتـه‌ملـه بــاجـۇن، چوْخ باغرێقـان یارالێ

ائی غوسلی قان یارالێ

کـرب-وْ-بـلاده قـارداش، دۆشــدۆ بــلایــه باشـۇن

وۇردۇلا اهـل-ی-کینـه، نـوک-ی-جیـدایـه باشـۇن

مۆشکۆلدو گئتسه امما، خلوه‌ت سرایـه باشـۇن

اوْلسـا تنـــور ایچـینــده، گــر میهـمــان یــارالــێ

ائی غوسلی قان یارالێ

باشۇن جیداده گئتسه، بازار-ی-شامـه گللـه‌م

گر چێخسالار تمامه‌ن، شاه اهلی بامه گلله‌م

آپارسا شئمر باشۇن، گر بزم-ی-عامـه گلـله‌م

هـر یئـرده وار سنیلـه، بــۇ کـاریــوان یـارالـــێ

ائی غوسلی قان یارالێ

دلریش! حۆسئن قاپێسێ، دار-وْ-الامان اوْلۇبـدۇر

گۆن تک بۇنۇن شوعاعیع بی‌شک عیان اوْلۇبـدۇر

بۇ نـوحه بـزم-ی-غـمـده، وئـرد-ی-زبـان اوْلۇبـدۇر

وئردیـن عجب بۇ چؤلده، لب تئشنه جـان یارالێ

ائی غوسلی قان یارالێ

شاعر: دلریش

علی اصغر(ع) نوحه‌سی

ائــی کوفییـان-ی-بـی وفـا، گتـدیـز عجـب مئهمـان منــی

قوْیـدۇز سـۇسـۇز اطفالیمـی، بۇ چؤلـده سرگه‌ردان منـی

اؤلـدۆ تمـام یـاوه‌رلـه‌ریـم، جــان وئــردی تئشنـه اکبـریـــم

گــۆل تـک سـوْلـۇبـدۇ اصغـریـم، بۇ چؤلده سرگه‌ردان منی

ائـی قوْم-ی-کافـه‌ر نئیله‌ییـب، آل-ی-پئیـه‌مبـه‌ر سیزلــه‌ره

اوْلادێنــێ تاپشێرمـایێـب، جـددیـم مۆکـه‌رره‌ر سیــزلــه‌ره؟

من صاحـب-ی-جوْرمـه‌م اگه‌ر، نئیلیـب بۇ اصغــر سیـزلــره

بۇ غۆنچه‌ی-ی-خندان ائدیب، چـوْخ دیده‌سی گیریان منی

نهــر-ی-فــراتـی کــی آخــار، مهـریــه‌ی-ی-زهــرا دگیــل؟

هــر ائــرثــه اوْلــادی مگـــه‌ر، بیگــانــه ده‌ن اولــی دگیـل؟

مـــن زاده-ی-خیــــرالنســـاء، زهــــرا آنـــام آیـــا دگیــــل؟

محــروم ائــده‌رسیـز ائـرثیـده‌ن، ائـی قــوْم بی ایمان منی

شوقیلـه ائیلــه‌ر تـرک-ی-جــان، چــون طالب-ی-دیدار اوْلان

جـوْر-وْ-جفــاده‌ن اینجیمــه‌ز، موشتــاق-ی-وصل-ی-یار اوْلان

بــۇ طئفلـه رحــم ائیلــه‌ر یقیـن، حقــده‌ن گـؤزۆ بیــدار اوْلان

بــاری بـۇنـۇ سیــراب ائـدین، سیـز اؤلدۆرۆن عطشان منـی

جام –ی بلادن مست اوْلۇب، ترک ائتمیشه‌م دونیانی مـن

دونیانی تنــگ ائتمیـن منـی، وئـردیـم سیـزه بطهانی من

اهــل-وْ-عیالیمه قـوْیـۇن، مسکــه‌ن ائدیــم صحـرانـی مـن

ائتـدیـز وطــه‌نده‌ن دربئــده‌ر، ائــی لئشـگـه‌ر اعــدا منــی

آیــا روادیـر صـرصـر-ی-ظۆلمیلــه ســوْلسـوْن گۆللـــه‌ریم؟

دۆشسۆن جفای-ی-خاریله‌ن، دیلده‌ن هامێ بۆلبۆلـله‌ریم؟

وئـرسین بـۇ چـؤلده تئشنه جان، هم اکبریـم هم اصغریم؟

تــۆش ائیلـه‌دیز یـۆز مؤحنه‌ته، هـر لحظه سیز هر آن منی

اینصـافـی دیــر آخسێــن بئلــه، تــۆم یـانــه بــــۇ آب روان

باخسێـن سـۇۇا قـان آغلاسێن، آل-ی-رسول ائی کوفییان

ائیلــه‌ر بــو نوْعیلــه مگــه‌ر، مئهمــانه حۆرمــه‌ت میــزبــان

شرمـه‌نـده‌ی-ی-اهل-وْ-عیال، ائتدیـز عجـب عـدوان منـی

وار منـده طاقت ائیله‌سـه‌ز، هـر جوْروْ هر ظۆلم-وْ-سیته‌م

عبــاسیمیـن ائتدیـز بـۇ گۆن، سـۇ اۆستـه قوْللارێن قله‌م

بـۇ غـم کفایـه‌ت ائیلـه‌مـه‌ز، سێنـدێ بئلیـم یاتـدێ عله‌م

اوْل نامـداریـن مؤحنـه‌تــی، ائیلیــب قــدی چـوگـان منـی

جـددیم شبیهــی اوْغلـۇمـۇ، اؤلــدۆردۆز عطشان دوْیمادۇز

دامــاد الینــه ظـۆلمیلــه‌ن، یاخـدیــز حنـا قــان دوْیمــادیـز

ائتـدیـز تمــام اصحـابیمـی، قـانینــه غلطـــان دوْیـمـادیــز

آخـه‌ر بـۇ چـؤلـده ائیلـه‌سـه‌ز، اؤز قانیمــه غلطــان منـی

بـزم-ی-عــزاده آغـلارام صۆبــح-وْ-مساء چــۆن عنـدلیب

گـؤگلـۆم زیـیاره‌ت ایستیـری، ائت لۆطفیله‌ن یارب نصیب

سینــه‌وۇران، نؤوحـه‌دییـه‌ن، دئلریشیله‌ن بۇ عنقــه‌ریـب

زوار اوْلاق ائتمــه خجیـــل، یــا ارحـــم-وْ-رحمــان منــی

شاعر: دلریش