پیشــوای آزادگان

وبلاگی با موضوع عاشورا

پیشــوای آزادگان

وبلاگی با موضوع عاشورا

حسینه آغلار

ای شیعه‌لر بۇ آیدا، گؤیله‌ر حسینه آغلار

عرش-ی-خدا تزلزل، ائیله‌ر حسینه آغلار

 

گر آغلاماق کی مومکون، ذات-ی-خدایه اوْلماز

ور مومکون اوْلسا ناله، ائیله‌ر حسینه آغلار

 

مسجدلره چکیب‌لر، بۇ آیدا قاره یکسر

بۇ آیدا مسجد-وْ-هم، منبر حسینه آغلار

یئر اۆسته داغلارا باخ، یکسر باشێ دۇماندێ

گویا سالێبدێ قاره، داغلار حسینه آغلار

 

هر یئرده هر چمنده، بولبول گلیر نوایه

کرب-وْ-بلانی یادی، ائیله‌ر حسینه آغلار

 

یئرده‌ن آخان اوْلۇرلار، گویا کی گؤز یاشێدێ

هفت زمین ناله، ائیله‌ر حسینه آغلار

 

گۆلزار-ی-مصطفی‌نی، بۇ آیدا سوْلدۇرۇبلار

پژمُرده حاله قالدێ، گۆل‌لر حسینه آغلار

 

شمس‌الضّحا بۇ آیدا، غرق‌الدُجا اوْلۇبدۇ

اوْلمۇش خسوف؛ ماه-ی-انور حسینه آغلار

 

یۆز مین نفر جمع اوْلدۇ، تا اؤلدۆره حسینی

راوی دئییر تامامی، لئشگه‌ر حسینه آغلار

 

گلدی اوْ شئمر-ی-کافر، اؤلدۆرمه‌گه حسینی

گؤردۆ اوْغۇل آناسێ، اطهر حسینه آغلار

 

گؤرجک اوْ حالی زینب، یۆز قوْیدۇ قتلگاهه

اخا-اخا دلینده، ازبر حسینه آغلار

 

گئچ پرده‌لی آماندێ، «سیّد» قلم دایاندێ

عرش-ی-خدا تزلزل، ائیله‌ى حسینه آغلار

    

قوْشار: سیّد

نظرات 0 + ارسال نظر
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد